【健康小百科】咩係肥仔肝？瘦底都有事？

​

「肥仔肝」其實即係脂肪肝嘅俗稱，顧名思義就係肝臟有過量嘅脂肪積聚。一般嚟講，當脂肪佔肝臟重量超過5%時，脂肪肝經已形成。曾有大學研究指出，本港脂肪肝患者佔成年人口27%，情況十分普遍。

脂肪肝嘅成因除咗同肥胖有關之外，一啲不良嘅生活習慣如長期飲酒、飲食失衡、缺少運動等，都會增加患上脂肪肝嘅風險，所以就算「瘦底人士」都唔可以掉以輕心！